விஜய் டிவியில் மிகவும் பிரபலமான நிகழ்ச்சியான பிக்பாஸ் நிகழ்ச்சியின் ஆறாவது சீசன் தற்போது விறுவிறுப்பாக ஒளிபரப்பாகிக் கொண்டிருக்கிறது. இதில் மொத்தம் 21 போட்டியாளர்கள் கலந்து கொண்ட நிலையில் தற்போது வரை ஜி பி முத்து, நடன இயக்குனர் சாந்தி, அசல் கோளாறு, ஷெரினா, விஜே. மகேஸ்வரி பிக் பாஸ் வீட்டை விட்டு வெளியேறியுள்ள நிலையில் இந்த வாரம் நிவாஷினி பிக் பாஸ் வீட்டை விட்டு வெளியேற்றப்பட உள்ளார். இந்நிலையில் போட்டியாளராக கலந்து கொண்டுள்ள ரட்சிதா மற்றும் ராபர்ட் மாஸ்டர் குறித்து பல செய்திகள் இணையத்தில் அவ்வப்போது உலா வந்து கொண்டிருக்கின்றன.
தனது காதலை மறைமுகமாக பல இடங்களில் சூசகமாக வெளிப்படுத்தி வருகிறார் ராபர்ட் மாஸ்டர். ஆனால் இதற்கு ரட்சிதாவின் கணவர் தனது மனைவிக்கு சாதகமாக ட்விட்டரில் பதிவிட்டு இருந்தார். இந்நிலையில் பிக் பாஸ் வீட்டிற்குள் ராபர்ட் மாஸ்டரின் அட்டூழியம் நாளுக்கு நாள் அதிகரித்து வருவதால் நிகழ்ச்சியை சுவாரசியமாக நினைத்து ரட்சிதாவின் கணவர் நடிகர் தினேஷை பிக் பாஸ் வீட்டிற்குள் அனுப்ப திட்டமிட்டுள்ளதாக தகவல் வெளியாகி உள்ளது. இருந்தாலும் இது குறித்து அதிகாரப்பூர்வ தகவல் இன்னும் வெளியாகவில்லை.