பிக்பாஸ் -4 நிகழ்ச்சியில் இந்த வாரம் சுசித்ரா வெளியேறப் போவதாக தகவல் வெளியாகியுள்ளது.
உலகநாயகன் கமல்ஹாசன் தொகுத்து வழங்கும் பிக்பாஸ் நிகழ்ச்சியின் 4-வது சீசன் கடந்த அக்டோபர் மாதம் -4 ஆம் தேதி தொடங்கப்பட்டது. இந்நிகழ்ச்சியில் 16 போட்டியாளர்கள் கலந்து கொண்டனர். இதுவரை இந்த சீசனில் ரேகா, வேல்முருகன், சுரேஷ் சக்கரவர்த்தி ஆகியோர் மக்களின் குறைவான வாக்குகள் அடிப்படையில் வெளியேற்றப்பட்டனர்.
மேலும் அர்ச்சனா மற்றும் சுசித்ரா இருவரும் வைல்ட் கார்ட் என்ட்ரியாக பிக்பாஸ் வீட்டிற்குள் அனுப்பப்பட்டனர். இந்நிலையில் இந்த வாரம் பிக்பாஸ் நிகழ்ச்சியில் இருந்து வெளியேற நாமினேட் ஆனவர்கள் அனிதா, பாலா, சோம், ரியோ, சம்யுக்தா, ஆரி மற்றும் சுசித்ரா. இவர்களில் இந்த வாரம் மக்களின் குறைவான வாக்குகளைப் பெற்று வெளியேற போகும் போட்டியாளர் சுசித்ரா என்ற தகவல் வெளியாகி உள்ளது.