பிக் பாஸ் சீசன் 5 நிகழ்ச்சியை நடிகர் சிம்பு தொகுத்து வழங்க இருப்பதாக தகவல் பரவி வருகிறது.
விஜய் தொலைக்காட்சியில் ஒளிபரப்பாகும் பிக்பாஸ் நிகழ்ச்சி மக்கள் மத்தியில் மிகுந்த வரவேற்பை பெற்று வருகிறது. இந்த நிகழ்ச்சியின் நான்காவது சீசன் கடந்த மாதம் வெற்றிகரமாக நிறைவடைந்தது. கடந்த வருடம் கொரோனா வைரஸ் பரவல் காரணமாக பிக்பாஸ் நிகழ்ச்சி தாமதமாக தொடங்கப்பட்டது. தற்போது பிக்பாஸ் நிகழ்ச்சியின் ஐந்தாவது சீசன் ஜூன் மாதம் தொடங்கும் எனவும் இதில் கலந்துகொள்ளும் போட்டியாளர்களை தேர்வு செய்யும் பணிகள் ஆரம்பித்துள்ளதாகவும் கூறப்படுகிறது. விஜய் டிவியில் ஒளிபரப்பாகி வரும் குக் வித் கோமாளியில் போட்டியாளராக கலந்துகொண்ட கனி பிக் பாஸ் சீசன் 5 நிகழ்ச்சியில் கலந்து கொள்ள அதிக வாய்ப்பு இருப்பதாக கூறப்படுகிறது.
இதேபோல் பிக்பாஸ் 5-யில் கலந்துகொள்ள பிரபல நடிகர் நகுலிடமும் பேச்சுவார்த்தை நடத்தப்பட்டுள்ளதாக தகவல் வெளியானது. இந்நிலையில் நடிகர் கமல்ஹாசன் தேர்தல் , பிரச்சாரம் ஆகியவற்றில் பிஸியாக இருப்பதால் அவருக்கு பதில் நடிகர் சிம்பு பிக்பாஸ் நிகழ்ச்சியை தொகுத்து வழங்குவார் என்ற தகவல் தீயாய் பரவி வருகிறது . இதுகுறித்த அதிகாரப்பூர்வ அறிவிப்புகள் எதுவும் வெளியாகவில்லை என்பது குறிப்பிடத்தக்கது.