பிச்சைக்காரன்-2 படத்தை விஜய் ஆண்டனி இயக்க இருப்பதாக அறிவிப்பு வெளியாகியுள்ளது.
தமிழ் திரையுலகில் கடந்த 2016-ஆம் ஆண்டு விஜய் ஆண்டனி நடிப்பில் வெளியான திரைப்படம் பிச்சைக்காரன் . சசி இயக்கியிருந்த இந்த படம் தமிழ், தெலுங்கு ஆகிய இரு மொழிகளில் வெளியாகி மிகப்பெரிய வெற்றி பெற்றது. இதை தொடர்ந்து இந்த படத்தின் இரண்டாம் பாகம் உருவாக இருப்பதாக அறிவிப்பு வெளியானது. ஆனால் பிச்சைக்காரன்-2 படத்தை இயக்கப் போவது யார்? என்பது குறித்த தகவல் வெளியாகவில்லை.
Welcome to the Director’s Clan ‘Director’ @vijayantony 👏🏽 Wishing you the very best for #Pichaikkaran2 & #Bichagadu2 😊 Blockbuster 2022 ahead for you! @vijayantonyfilm @mrsvijayantony pic.twitter.com/2AHyYOjceE
— A.R.Murugadoss (@ARMurugadoss) July 24, 2021
இந்நிலையில் பிரபல இயக்குநர் ஏ.ஆர்.முருகதாஸ் பிச்சைக்காரன்-2 படத்தின் அட்டகாசமான போஸ்டருடன் அறிவிப்பு ஒன்றை வெளியிட்டுள்ளார். அதில் விஜய் ஆண்டனி தான் இந்த படத்தை இயக்கி நடிக்க இருப்பதாக தெரிவித்துள்ளார். இசையமைப்பாளராகவும், நடிகராகவும் வலம் வரும் விஜய் ஆண்டனி இந்த படத்தின் மூலம் இயக்குனராக அறிமுகமாகிறார் என்பது குறிப்பிடத்தக்கது. தற்போது இந்த போஸ்டர் இணையத்தில் வைரலாகி வருகிறது.