பிரசித்தி பெற்ற கோவிலுக்கு பக்தர்கள் புனித பயணம் மேற்கொண்டனர்.
கன்னியாகுமரி மாவட்டத்தில் புகழ்பெற்ற பத்துகாணி காளியம்மன் கோவில் அமைந்துள்ளது. இந்த கோவிலில் சித்ரா பவுர்ணமி திருவிழா தொடங்கியது. இந்தத் திருவிழாவை முன்னிட்டு நிர்மால்ய தரிசனம், அஷ்ட திராவிய மகா கணபதி ஹோமம், தேவி மகாத்மிய பாராயணம், 18 சித்தர்கள் பூஜை, குங்கும அபிஷேகம், தீபாராதனை போன்றவைகள் நடைபெற்றது.
அதன்பிறகு கோவிலுக்கு வருகை புரிந்த பக்தர்கள் அனைவருக்கும் அன்னதானம் நடைபெற்றது. இதனையடுத்து களியல் முட்டங்காவு பகவதி அம்மன் கோவிலில் கொடியேற்றத் திருவிழா நடைபெற்றது. அதன்பிறகு பக்தர்கள் புனித பயணம் மேற்கொண்டனர். இந்த நிகழ்ச்சிக்கு அறக்கட்டளை துணைத்தலைவர் சிறீகுமார் தலைமை தாங்கினார். இந்த விழாவை தொழிலதிபர் மீனா ராமச்சந்திரன் குத்துவிளக்கேற்றி தொடங்கி வைத்தார்.