கொரோனா சூழல் குறித்து நேற்று இரவு 8 45 மணிக்கு நாட்டு மக்களுக்கு பிரதமர் மோடி உரையாற்றினர். கொரோனா தடுப்பு நடவடிக்கைகள் குறித்து அடுத்தடுத்து ஆலோசனை நடத்திய நிலையில் பிரதமர் மோடி உரையாற்றுகிறார். முன்னதாக கொரோனா தடுப்பு நடவடிக்கை குறித்து மருத்துவ வல்லுனர்கள், தடுப்பூசி தயாரிப்பு நிறுவனங்கள் மருந்து நிறுவனங்களுடன் ஆலோசித்தார் பிரதமர் மோடி.
மக்களிடம் உரையாற்றிய பிரதமர், கொரோனாவுக்கு எதிரான மற்றொரு போரை இந்தியா எதிர் கொண்டுள்ளது. மேலும் கொரோனவால் பாதிக்கப்பட்டு உயிரிழந்தவர்களுக்கு இரங்கல் தெரிவித்துக் கொள்கிறேன். கொரோனாவுக்கு எதிராக போராடும் அனைத்து சுகாதார பணியாளர்களுக்கும் பாராட்டுக்கள். உலகத்திலேயே இந்தியாவில்தான் குறைந்த விலையில் தடுப்பூசிகளை உற்பத்தி செய்யப்படுகின்றன என்று தெரிவித்தார். மேலும் ஆக்சிஜன் தட்டுப்பாட்டை போக்க நடவடிக்கை எடுக்கப்படும் என்று பேசினார்.
இந்நிலையில் பிரதமர் மோடி தன்னுடைய அனைத்து பொறுப்புகளையும் கைவிட்டுள்ளார். இந்தியாவை கையாளுவதற்கான பொறுப்பை தன்னார்வ தொண்டு நிறுவனங்கள், இளைஞர்களின் தலைமீது வைத்து விட்டார். பிரதமர் மோடியின் உரை வெறும் வெற்று பேச்சு என்று காங்கிரஸ் விமர்சனம் செய்துள்ளது.