தொழிலதிபர் ஒருவர் பிரதமர் மோடியின் தாயாரின் எடைக்கு நிகரான தங்கத்தை காசி விஸ்வநாதர் கோவிலுக்கு நன்கொடை அளித்துள்ளதாக தகவல் வெளியாகியுள்ளது.
உத்திரபிரதேச மாநிலத்திலுள்ள வாரணாசியில் அமைந்துள்ள காசி விஸ்வநாதர் கோவில் சமீபத்தில் புதுப்பிக்கப்பட்டுள்ளது. இந்நிலையில் பிரதமர் மோடியின் தாயாருடைய எடைக்கு நிகரான தங்கத்தை, தொழிலதிபர் ஒருவர் இந்த கோவிலுக்கு நன்கொடையாக அளித்துள்ளார். மேலும் நன்கொடை அளித்த அவரின் விவரங்கள் எதுவும் வெளியாகவில்லை.
இச்சம்பவம் குறித்து வாரணாசி கோட்ட ஆணையர் தீபக் அகர்வால் கூறியுள்ளதாவது, பெயர் குறிப்பிட விரும்பாத நபரிடமிருந்து சமீபத்தில் பெறப்பட்ட 60 கிலோ தங்கத்தில் இருந்து கருவறையின் உள் சுவர்களை அலங்கரிக்க 37 கிலோ தங்கம் பயன்படுத்தப்பட்டுள்ளதாக தெரிவித்துள்ளார். மேலும் மீதமுள்ள 23 கிலோ தங்கம் பிரதான கட்டமைப்பின் தங்க குவிமாடத்தின் கீழ்ப் பகுதியை அலங்கரிக்க பயன்படுத்தபடுவதாக கூறியுள்ளார். பிரதமர் மோடி கடந்த மாதம் 27 ஆம் தேதி வாரணாசி வந்த போது, கோவிலின் உள் சுவர்களில் தங்கத்தால் அலங்கரிக்கப்பட்டு இருந்தது குறிப்பிடத்தக்கது ஆகும்.