மலையாள சினிமாவில் பிரபலமான இயக்குனராக வலம் வந்தவர் அசோகன். இவர் கடந்த 1989-ம் ஆண்டு வர்ணம் என்ற திரைப்படத்தின் மூலம் இயக்குனராக அறிமுகமானார். அதன் பிறகு சந்திரம், மூக்கிலா ராஜ்யத்து, ஆச்சார்யன் உள்ளிட்ட பல வெற்றி படங்களை இயக்கியுள்ளார். அதோடு கனபுரங்காள் என்ற கன்னட தொலைக்காட்சி தொடரையும் இயக்கியுள்ளார். இவருக்கு கேரளா அரசு பல்வேறு விதமான விருதுகளை வழங்கியுள்ளது.
இந்நிலையில் அசோகன் சமீபத்தில் சிங்கப்பூருக்கு சென்று விட்டு கேரளா திரும்பிய போது திடீரென உடல் நலக்குறைவு ஏற்பட்டதால் மருத்துவமனையில் சிகிச்சைக்காக அனுமதிக்கப் பட்டுள்ளார். அங்கு மருத்துவர்கள் அசோகனுக்கு தீவிர சிகிச்சை அளித்தும் பலனின்றி மரணமடைந்தார். இவருக்கு வயது தற்போது 60. மேலும் இயக்குனர் அசோகனின் மறைவுக்கு திரையுலக பிரபலங்கள் பலரும் இரங்கல் தெரிவித்து வருகின்றனர்.