பிரபல டென்னிஸ் வீராங்கனையான மரியா ஷரபோவா கர்ப்பமாகவுள்ளதாக அறிவித்துள்ளார். இவர் கடந்த 2018 ஆம் வருடம் முதல் பிரிட்டிஷ் தொழில் அதிபர் அலெக்சாண்டர் கில்க்ஸ் என்பவரை காதலித்து வந்தார். இதையடுத்து சென்ற 2020ஆம் வருடம் டிசம்பர் மாதம் இருவரும் திருமணம் செய்துகொள்ள முடிவெடுத்து நிச்சயம் செய்தனர். அதே வருடத்தில் ஷரபோவா டென்னிஸ் போட்டிகளிலிருந்து ஓய்வு பெறுவதாக அறிவித்தார். இந்த நிலையில் தற்போது அவர் கர்ப்பமாக இருப்பதாக அறிவித்துள்ளார்.
நேற்று முன்தினம் தன் 35-வது பிறந்தநாளை கொண்டாடிய மரியாஷரபோவா இன்ஸ்டாகிராமில் தான் கர்ப்பமாக இருக்கும் புகைப்படம் ஒன்றை பதிவிட்டுள்ளார். மேலும் விலைமதிப்பற்ற தொடக்கங்கள், 2பேருக்கும் சேர்த்து பிறந்தநாள் கேக்கை உண்கிறேன் என கூறியுள்ளார். இவர் தன் டென்னிஸ் வாழ்க்கையில் நம்பர் 1 வீராங்கனையாக விளங்கினார். டென்னிஸில் 4 கிராண்ட் ஸ்லாம் கோப்பைகளை வென்ற 10 வீராங்கனைகளில் இவரும் ஒருவர் ஆவார். இவர் 5 முறை கிராண்ட் ஸ்லாம் பட்டம்பெற்றுள்ளார். இதுவரையிலும் மரியா, 30 மில்லியன் டாலர் மதிப்பிலான பரிசுத்தொகைகளை வென்றுள்ளார்.