கலர்ஸ் தமிழ் தொலைக்காட்சியில் திங்கள் முதல் வெள்ளி வரை இரவு 8:30 மணிக்கு ‘கண்ட நாள் முதல்’ தொடர் ஒளிபரப்பாகும். இந்த சீரியலில் இதயத்தை திருடாதே சீரியலில் நடித்த நடிகர் நவின் குமரன் ரோலில் நடித்து வருகிறார். இவருக்கு ஜோடியாக “நீ தானே என் பொன்வசந்தம்” அணு, நந்தினி ரோலில் நடிக்கிறார். இந்நிலையில் இந்த சீரியலில் சிறப்பு தோற்றத்தில் நடிகர் சஞ்சீவ் என்ட்ரீ கொடுத்துள்ளார். இவர் இந்த சீரியலில் நந்தினியின் அத்தை மகன், முறை மாமனாக புலிக்குட்டி என்ற ரோலில் நடிக்கிறார்.
மேலும் வெள்ளித்திரை மற்றும் சின்னத்திரை பிரபலமான சஞ்சீவ் நடிகர் விஜயின் நெருங்கிய நண்பர் ஆவார். இவர் நடந்து முடிந்த பிக் பாஸ் சீசன் 5 நிகழ்ச்சி மூலம் ரசிகர்களிடம் பெரும் வரவேற்பை பெற்றார். கண்ட நாள் முதல் தொடரில் சஞ்சீவ் சிறப்பு தோற்றத்தில் நடித்திருப்பது ரசிகர்களுக்கு எதிர்பார்ப்பை அதிகரித்து உள்ளது. அதுமட்டுமில்லாமல் ஆரம்பமே இவரின் என்ட்ரீ அதகளம்தான். ஊருக்கு வரும் நந்தினியை தூக்கி சுற்ற, குமரன் முகம் மாறுகிறது. அடுத்த இரண்டு வாரத்திற்கு இதே போல பல அட்டகாசங்கள் சீரியலில் நிறைந்து இருக்க போகிறது.