தமிழ் சினிமாவில் குக்கூ படத்தின் மூலம் இயக்குனராக அறிமுகமானவர் ராஜூ முருகன். இவர் ஜோக்கர், ஜிப்சி உள்ளிட்ட பல படங்களை இயக்கியுள்ளார். தமிழ் சினிமாவில் முன்னணி கதாநாயகனான கார்த்தி நடித்துள்ள விருமன், பொன்னியின் செல்வன், சர்தார் ஆகிய படங்கள் அடுத்தடுத்து வெளிவர தயாராக உள்ளது.
இதனை தொடர்ந்து ராஜூ முருகன் இயக்கத்தில் ஒரு புதிய படத்தில் கார்த்திக் நடிக்க இருக்கிறார். இந்த படத்தில் வில்லனாக நடிக்க விஜய் சேதுபதி ஒப்பந்தம் செய்யப்பட்டிருந்தார். இப்போது கால்ஷீட் இல்லாத காரணத்தால் இந்த படத்தில் இருந்து விஜய் சேதுபதி விலகி விட்டதாக கூறப்படுகிறது. இப்படத்தில் நடிக்க உள்ள வில்லன் நடிகருக்கான தேடலில் படக் குழுவினர் தீவிரமாக ஈடுபட்டிருப்பதாக தகவல் வெளியாகியுள்ளது.