மலையாளத் திரை உலகில் கிட்டத்தட்ட 40 வருடங்களுக்கு மேலாக முன்னணி நடிகராக வலம் வந்தவர் தான் சீனிவாசன். தமிழில் லேசா லேசா உள்ளிட்ட படங்களில் நடித்துள்ளார்.இவர் ஹீரோவாக மட்டுமல்லாமல் குணச்சித்திர வேதங்களில் நடித்த ரசிகர்களை வெகுவாக கவர்ந்தவர். இவருக்கென தனி ஒரு ரசிகர் பட்டாளமே உள்ளது. இதனிடையே கடந்த சில மாதங்களாக படங்களில் நடிப்பதை குறைத்துக் கொண்ட சீனிவாசன், உடல் நலக்குறைவால் அவதிப்பட்டு வருகிறார்.
இந்நிலையில் சீனிவாசன் புகைப்படம் ஒன்றை இணையத்தில் வெளியாகி அதிர்ச்சியை ஏற்படுத்தியுள்ளது. வயது மூப்பு மற்றும் உடல்நல குறைவு ஆகியவற்றால் பாதிக்கப்பட்ட அவர் உடல் மெலிந்து காணப்படுகிறார். இவரை சமீபத்தில் சந்தித்து விட்டு திரும்பிய மலையாள நடிகை ஸ்மினு சிஜோ, “அவருக்கு சிறிய உடல்நல பிரச்சனைகள் தான் இருக்கின்றன, அவர் மீண்டும் ஆரோக்கியத்தோடு திரைக்கு வருவார்”என்று கூறி அவருடன் எடுத்த புகைப்படத்தை தனது இன்ஸ்டாகிராம் பக்கத்தில் பகிர்ந்துள்ளார்.