பிக்பாஸ் பிரபலம் அனிதா சம்பத் நடிகர் விமலுக்கு தங்கையாக நடித்துள்ளதாக தகவல் வெளியாகியுள்ளது.
தமிழ் திரையுலகில் களவாணி, கேடி பில்லா கில்லாடி ரங்கா, மஞ்சப்பை, கலகலப்பு, தேசிங்கு ராஜா போன்ற படங்களில் நடித்து பிரபலமடைந்தவர் விமல். அடுத்ததாக இவர் மார்ட்டின் நிர்மல் குமார் இயக்கத்தில் உருவாகி வரும் படத்தில் கதாநாயகனாக நடித்து வருகிறார். மேலும் இந்த படத்தில் பாண்டியராஜன், பாலசரவணன், தீபா, நேகா, வத்சன் வீரமணி, ஆடுகளம் நரேன் உள்ளிட்ட பலர் முக்கிய கதாபாத்திரங்களில் நடிக்கின்றனர் .
உதய் புரொடக்சன்ஸ் மற்றும் மேஜிக் டச் பிக்சர்ஸ் நிறுவனம் தயாரிக்கும் இந்த படத்திற்கு காட்வின் இசையமைக்கிறார். தன் தங்கைக்கு திருமணம் செய்து வைக்க போராடும் ஒரு அண்ணனின் வாழ்க்கையை மையமாகக் கொண்டு இந்த படம் உருவாக்கப்பட்டுள்ளது. இந்நிலையில் இந்த படத்தில் விமலுக்கு தங்கையாக அனிதா சம்பத் நடித்துள்ளதாக தகவல் வெளியாகியுள்ளது. செய்தி வாசிப்பாளரான அனிதா சம்பத் விஜய் டிவியில் ஒளிபரப்பான பிக்பாஸ் நிகழ்ச்சி மூலம் மிகப்பெரிய அளவில் பிரபலமடைந்தார் என்பது குறிப்பிடத்தக்கது.