பிரபல நடிகர் ஜெயராம் மற்றும் எஸ்வி சேகர் ஆகிய இருவருக்கும் கொரோனா தொற்று ஏற்பட்டுள்ளது.
தமிழ் மற்றும் மலையாளம் ஆகிய 2 மொழி படங்களிலும் நடித்து மக்கள் மத்தியில் பிரபலமாக இருக்கும் ஜெயராமுக்கு கொரோனா தொற்று ஏற்பட்டுள்ளது. இதுகுறித்து அவர் தன்னுடைய டுவிட்டர் பக்கத்தில் தெரிவித்ததாவது, “கடந்த 2 நாட்களாகவே எனக்கு உடல் நிலை பாதிப்பு இருந்துவந்துள்ளது . எனவே நான் மருத்துவ பரிசோதனை செய்தேன். இதில் எனக்கு கொரோனா தொற்று இருப்பது கண்டறியப்பட்டது . இதன்காரணமாக நான் மருத்துவமனையில் அனுமதிக்கப்பட்டு சிகிச்சை பெறுகிறேன்.” என்று பதிவிட்டுள்ளார்.
அதேபோல, நகைச்சுவை நடிகராக இருக்கும் எஸ்.வி.சேகர் அவர்களுக்கு கொரோனா தொற்று உறுதியானது . இதையடுத்து, இரண்டு தடுப்பூசி போட்டுக்கொண்டுள்ள நிலையில் டாக்டரின் அறிவுறுத்தலின் படி அவர் வீட்டில் தனிமைப்படுத்தி கொண்டார் .