தமிழ் சினிமாவில் வாய்தா மற்றும் துப்பறிவாளன் போன்ற திரைப்படங்களின் மூலம் பிரபலமானவர் நடிகை ஜெசிகா. இவர் இன்று காலை திடீரென அவருடைய வீட்டில் தூக்கிட்டு தற்கொலை செய்து கொண்டார். இந்த சம்பவம் பெரும் பரபரப்பை ஏற்படுத்தியுள்ள நிலையில், ஜெசிகாவின் வீட்டிலிருந்து அவர் எழுதிய கடிதம் ஒன்றினை காவல்துறையினர் தற்போது கைப்பற்றியுள்ளனர். அந்த கடிதத்தில் எழுதியுள்ளதாவது. நான் ஒருவரை காதலித்ததேன். அந்த நபரிடம் என்னுடைய காதலை கூறிய போது அவர் ஏற்கவில்லை. இதனால் எனக்கு வாழ்வதற்கு பிடிக்கவில்லை. எனவே என்னுடைய உயிரை மாய்த்துக் கொள்கிறேன் என எழுதியுள்ளார். அதோடு என்னுடைய மரணத்திற்கும் மற்ற யாருக்கும் தொடர்பில்லை எனவும் எழுதியுள்ளார்.
இந்நிலையில் காவல்துறையினர் ஜெசிகாவின் காதலன் யார் என்று தற்போது தீவிர விசாரணை மேற்கொண்டு வருகின்றனர். இதனையடுத்து ஜெசிகா காதலித்த நபர் சினிமா துறையை சேர்ந்தவராக இருக்க வேண்டும் என காவல்துறையினர் சந்தேகிக்கின்றனர். அதோடு ஜெசிகா தன்னுடைய காதலர் பற்றிய எந்த விவரத்தையும் கடிதத்தில் எழுதாததால், அவருடைய செல்போனை ஆய்வு செய்து ஜெசிகாவின் காதலன் யார் என்பதை போலீசார் தீவிரமாக தேடி வருகின்றனர். மேலும் ஜெசிகாவின் காதலன் யார் என்ற விவரம் தெரியவந்த பிறகே, ஜெசிகாவின் தற்கொலைக்கான உண்மையான காரணம் தெரியவரும் என்று போலீசார் கூறியுள்ளனர். ஜெசிகாவின் மரணத்திற்கு திரை உலக பிரபலங்கள் பலரும் இரங்கல் தெரிவித்து வருகின்றனர்.