ஆப்கானில் அடுத்தடுத்து இரட்டை குண்டு வெடிப்புகள் நிகழ்ந்தன.
ஆப்கானிஸ்தான் நாட்டில் காபுல் என்ற நகரம் அமைந்துள்ளது. இந்த நகரில் டஷ்ட்-இ-பர்ஷி என்ற பகுதி உள்ளது. இங்கு மக்கள் நடமாட்டம் நிறைந்த பகுதியில் நேற்று அடுத்தடுத்து இரண்டு வெடிகுண்டுகள் வெடித்தது. இரு பைக்குகளில் நிரப்பப்பட்டிருந்த வெடிகுண்டுகள் அடுத்தடுத்து வெடித்து சிதறியுள்ளன. இந்த குண்டுவெடிப்பு சம்பவத்தில் அப்பகுதியிலிருந்த 5 பேர் படுகாயமடைந்துள்ளனர்.
இது குறித்து தகவலறிந்து சம்பவ இடத்திற்கு விரைந்து சென்ற மீட்புக்குழுவினர் காயமடைந்தவர்களை மீட்டு அருகில் உள்ள மருத்துவமனைக்கு சிகிச்சைக்காக அனுமதித்துள்ளனர். இந்த குண்டுவெடிப்பு சம்பவத்தில் உயிரிழப்பு எதுவும் நிகழவில்லை. இந்த இரட்டை குண்டுவெடிப்பு சம்பவம் குறித்து விசாரணை நடைபெற்று வருகின்றது. மேலும் இந்த குண்டுவெடிப்பிற்கு இதுவரை எந்த அமைப்பும் பொறுப்பேற்கவில்லை.