அமெரிக்க நாட்டின் ராணுவ மந்திரிக்கு கொரோனா நோய் தொற்று உறுதி செய்யப்பட்டுள்ளது.
அமெரிக்காவில் உருமாறிய கொரோனா வைரசான ஒமைக்ரான் அதிக அளவில் பரவி வருகின்றது. அந்நாட்டின் ஜனாதிபதியான ஜோ பைடன் கடந்த மாதம் 10 நாட்கள் இடைவெளியில் 2 முறை கொரோனா நோய் தொற்று பாதிப்புக்கு ஆளாகினார். இந்நிலையில் அமெரிக்காவின் ராணுவ மந்திரியான லாயிட் ஆஸ்டினுக்கு கொரோனா நோய் தொற்று உறுதி செய்யப்பட்டுள்ளது.
இதனை தொடர்ந்து அவர் வீட்டில் தனிமைப்படுத்தப்பட்டுள்ளார். 69 வயதான லாயிட் ஆஸ்டின் தனக்கு லேசான அறிகுறிகள் இருப்பதாகவும், அடுத்த 5 நாட்கள் வீட்டிலிருந்து பணியாற்ற இருப்பதாகவும் தெரிவித்துள்ளார். ஆஸ்டின் 2-வது முறையாக கொரோனா நோய் பாதிப்புக்கு ஆளாகியுள்ளார். இதற்கு முன் கடந்த ஜனவரி மாதம் அவருக்கு தொற்று உறுதியானது. ஆஸ்டின் பூஸ்டர் உள்பட கொரோனா தடுப்பூசியின் 3 டோஸ்களையும் செலுத்திக்கொண்டவர் என்பது குறிப்பிடத்தக்கது.