பிரபல பாலிவுட் நடிகர் மிதிலேஷ் சதுர்வேதி மாரடைப்பால் உயிரிழந்துள்ளார்.
பாலிவுட் சினிமாவுலகில் பிரபல நடிகராக வளம் வந்தவர் நடிகர் மிதிலேஷ் சதுர்வேதி. இவர் நாடகத் துறையில் இருந்து இந்தி சினிமா உலகிற்கு அறிமுகமானவர். இவர் சென்ற 25 வருடங்களாக பாலிவுட் சினிமா படங்களில் நடித்திருக்கின்றார். இந்நிலையில் இவர் திடீர் மாரடைப்பால் பாதிக்கப்பட்டு நேற்று மும்பையில் இருக்கும் கோகிலா பென் ஆஸ்பத்திரியில் அனுமதிக்கப்பட்டார்.
ஆனால் அவர் சிகிச்சை பலனின்றி இன்று உயிரிழந்துள்ளார். இது குறித்து அவரின் மருமகன் இணையத்தில் பதிவிட்டுள்ளார். அவர் கூறியுள்ளதாவது, இந்த உலகில் நீங்கள் ஒரு சிறந்த அப்பாவாக இருந்தீர்கள். என் மீது அன்பை புரிந்தீர்கள். ஒரு மருமகனாக பார்க்காமல் ஒரு மகனாக என்னை பார்த்தீர்கள். உங்கள் ஆத்மா சாந்தி அடையட்டும் என பதிவிட்டு இருக்கின்றார்.
இவரின் மறைவிற்கு பிரபலங்கள் பலரும் இரங்கல் தெரிவித்து வருகின்றார்கள். இவரின் இறுதிச் சடங்கு சொந்த ஊரான உத்தரப்பிரதேச மாநிலத்தில் உள்ள லக்னோவில் நாளை நடைபெற இருப்பதாக சொல்லப்படுகின்றது.