பிரபல வசனகர்த்தா ஈரோடு சவுந்தர் காலமானார்… திரையுலகினர் இரங்கல்…!!

பிரபல வசனகர்த்தா ஈரோடு சவுந்தர் உடல்நலக்குறைவு காரணமாக இன்று காலமானார்.

தமிழ் திரையுலகில் பல படங்களுக்கு வசனம் எழுதி இயக்குனராகவும் நடிகராகவும் வலம் வந்தவர் ஈரோடு சவுந்தர். இவர் குஷ்பு நடிப்பில் வெளியான ‘சிம்மராசி’ படத்தின் வசனத்தின்  மூலம் புகழ் பெற்றார் . இவர் சரத்குமார் நடித்த ‘நாட்டாமை’ திரைப்படத்திற்கும் வசனம் எழுதி பிரபலமடைந்தார். இந்த திரைப்படம் தெலுங்கு, ஹிந்தி, கன்னடம் ஆகிய மொழிகளில் ரீமேக் செய்யப்பட்டது.

மேலும் ரஜினியுடன் லிங்கா திரைப்படத்திலும் ,கமல்ஹாசனுன் தசாவதாரம் திரைப்படத்திலும் நடித்துள்ளார். இந்நிலையில் மூச்சுத்திணறல் காரணமாக மருத்துவமனையில் சிகிச்சை பெற்று வந்த ஈரோடு சவுந்தர் சிகிச்சை பலனின்றி இன்று காலமானார். இவரது இறுதி சடங்கு நாளை நடைபெறவிருக்கிறது. இவரது மறைவிற்கு திரையுலகினர் பலர் இரங்கல் தெரிவித்து வருகின்றனர்.