விஜய் நடிப்பில் வெளியான ஷாஜகான் பட இயக்குனர் ஆச்சாரியா ரவி மாரடைப்பால் இன்று உயிரிழந்தார். இவர் பிரபல இயக்குனர் பாலாவிடம் உதவி இயக்குனராக பணிபுரிந்தவர். ஆச்சார்யா என்ற படத்தை இயக்கிய பிறகு ஆச்சாரியா ரவி என்று அழைக்கப்பட்டார். பல்வேறு படங்களை இவர் இயக்கியுள்ளார்.
இந்நிலையில் இவர் உடல்நலக்குறைவால் மதுரை மீனாட்சி மிஷன் மருத்துவமனையில் அனுமதிக்கப்பட்டிருந்தார். அப்போது இன்று காலை அவருக்கு திடீரென மாரடைப்பு ஏற்பட்டதால் காலமானார். அவரின் மறைவுக்கு திரையுலகினர் பலரும் இரங்கல் தெரிவித்து வருகின்றனர்.