இயக்குனர் ஷங்கரின் மகள் அதிதி ஷங்கர் விருமன் படத்தில் கதாநாயகியாக அறிமுகமாகிறார்.
தமிழ் திரையுலகில் முன்னணி நடிகராக வலம் வருபவர் கார்த்தி. தற்போது இவர் மணிரத்னம் இயக்கத்தில் உருவாகி வரும் பொன்னியின் செல்வன் படத்தில் நடித்து வருகிறார். இதைத் தொடர்ந்து இவர் ‘கொம்பன்’ பட இயக்குனர் முத்தையா இயக்கும் படத்தில் நடிக்க இருக்கிறார். மேலும் இந்த படத்தை கார்த்தியின் அண்ணனும், நடிகருமான சூர்யாவின் 2டி என்டர்டெய்ன்மென்ட் நிறுவனம் தயாரிக்கிறது.
நேற்று இந்த படத்தின் டைட்டில் லுக் போஸ்டரை சூர்யா வெளியிட்டார். அதன்படி இந்த படத்திற்கு ‘விருமன்’ என டைட்டில் வைக்கப்பட்டுள்ளது. இந்நிலையில் விருமன் படத்தில் பிரபல இயக்குனர் ஷங்கரின் மகள் அதிதி ஷங்கர் கதாநாயகியாக நடிக்க இருப்பதாக அறிவிப்பு வெளியாகியுள்ளது. தற்போது இந்த போஸ்டர் இணையத்தில் வைரலாகி வருகிறது.