பிரபுதேவா நடிப்பில் உருவாகி இருக்கும் பொய்க்கால் குதிரை திரைப்படத்தின் அப்டேட் வெளியாகி உள்ளது.
தமிழ் திரையுலகில் நடன இயக்குனராகவும், நடிகராகவும், இயக்குனராகவும் அசத்தி வருபவர் பிரபு தேவா. தற்போது இவர் நடிப்பில் பொன்மாணிக்கவேல், பஹீரா, யங் மங் சங், பொய்க்கால் குதிரை போன்ற படங்கள் உருவாகி வருகிறது. இதில் பொய்க்கால் குதிரை படத்தை இயக்குனர் சந்தோஷ்.பி.ஜெயக்குமார் எழுதி இயக்குகிறார். மினி ஸ்டுடியோஸ் நிறுவனம் தயாரிக்கும் இந்த படத்திற்கு டி.இமான் இசையமைக்கிறார் .
மேலும் இந்த படத்தில் வரலட்சுமி சரத்குமார், ரைசா வில்சன், பிரகாஷ் ராஜ், சமுத்திரகனி ஆகியோர் முக்கிய கதாபாத்திரங்களில் நடிக்கின்றனர். சில மாதங்களுக்கு முன்பு பொய்க்கால் குதிரை படத்தின் பர்ஸ்ட் லுக் போஸ்டர் வெளியானது. அதில் செயற்கை கால் பொருத்தப்பட்ட பிரபு தேவா கையில் ஒரு குழந்தையுடன் ஆக்ரோஷமாக நின்று கொண்டிருக்கிறார்.
இந்த நிலையில் படம் குறித்த அப்டேட் வெளியாகி உள்ளது. படத்தின் ட்ரைலர் வெளியாகி உள்ளது. அதில் பிரபு தேவா ஒற்றை காலுடன் மாற்றுத்திறனாளியாக நடித்திருக்கின்றார். அவர் வித்தியாசமான வேடத்தில் நடித்திருப்பது ரசிகர்களிடையே எதிர்பார்ப்பை ஏற்படுத்தி இருக்கின்றது. தற்பொழுது ட்ரெய்லர் ரசிகர்களிடையே நல்ல வரவேற்பை பெற்றிருக்கிறது.