உலகநாயகன் கமல்ஹாசன் நடிக்கும் இந்தியன் 2 திரைப்படத்தின் புதிய அப்டேட் வெளியாகியுள்ளது.
தமிழ் சினிமாவில் உச்ச நட்சத்திரமாக ஜொலிக்கும் உலகநாயகன் கமல்ஹாசன் நடிப்பில் சமீபத்தில் வெளியான விக்ரம் திரைப்படம் சூப்பர் ஹிட் ஆனது. இந்த படத்தில் வெற்றியை தொடர்ந்து நடிகர் கமல்ஹாசன் படங்களில் நடிப்பது மற்றும் படங்களை தயாரிப்பது என படு பிஸியாக இருக்கிறார். இவர் தற்போது மலையாள இயக்குனர் மகேஷ் பாபு இயக்கத்தில் ஒரு படத்தில் நடித்து வருவதோடு, சங்கர் இயக்கத்தில் இந்தியன் 2 படத்திலும் நடித்து வருகிறார். கடந்த 2018-ம் ஆண்டு தொடங்கப்பட்ட இந்தியன் 2 படப்பிடிப்பு பல்வேறு பிரச்சனைகளால் பாதியிலேயே நிறுத்தப்பட்டது.
இந்நிலையில் உலக நாயகன் கமல்ஹாசனின் முயற்சியால் மீண்டும் இந்தியன் 2 படப்பிடிப்பு தொடங்கியுள்ளது. இந்த படத்தின் படப்பிடிப்பு விறுவிறுப்பாக நடைபெற்றுக் கொண்டிருக்கும் நிலையில், படம் குறித்த புதிய தகவல் வெளியாகியுள்ளது. அதாவது இந்தியன் 2 திரைப்படம் 3 மணி நேரம் 10 நிமிடங்கள் ஓடுமாம். இதைக் கேட்ட ரசிகர்கள் மிகுந்த அதிர்ச்சியில் இருக்கின்றனர். ஏனெனில் 2 1/2 நேரம் ஓடும் படத்தையே ரசிகர்கள் மிக நீளம் என்று சொல்லும் காலத்தில் 3 மணி நேரம் 10 நிமிடங்கள் ஓடும் என்ற தகவலை கேட்டவுடன் மிகுந்த அதிர்ச்சியில் இருக்கின்றனர். மேலும் பிரம்மாண்ட இயக்குனர் சங்கரின் படமாக இருந்தாலும் 3 மணி நேரம் என்பது மிகவும் அதிகமான டைம் என்று ரசிகர்கள் கூறுகின்றனர்.