பிரைடு ரைஸில் சிக்கன் இல்லாததால் தங்கும் விடுதியில் அடிதடி நடந்த சம்பவம் பரபரப்பை ஏற்படுத்தியது.
கேரளாவின் இடுக்கி, ராமக்கல்மேட்டில் உள்ள சியோன் ஹில்ஸ் ரிசார்ட்டில், ஐந்து பேர் கொண்ட கும்பல், மேஜைகள் மற்றும் தட்டுகளை அடித்து நொறுக்கி, சூரையாடினர். இச்சம்பவம் வியாழக்கிழமை அதிகாலை 1.30 மணியளவில் இடம்பெற்றுள்ளது. ரிசார்ட் ஊழியரை தாக்கியதாகவும் புகார் எழுந்துள்ளது. சாப்பிடும் போது ஃப்ரைடு ரைஸ் சிக்கன் குறைவாக இருந்ததால் சிக்கன் அதிகமாக வேண்டும் என்று கூறி தகராறில் ஈடுபட்டுள்ளனர். அப்போது மேஜைகள் உடைக்கப்பட்டன. இதனிடையே ஊழியரை கையால் பிடித்து தாக்கியதாக புகார் எழுந்துள்ளது.
இச்சம்பவத்தில், ரிசார்ட் உரிமையாளர்கள் மற்றும் வணிகர்கள் மற்றும் தொழில் ஒருங்கிணைப்புக் குழு அலுவலக அதிகாரிகள், நெடுங்கண்டம் போலீசில் புகார் செய்தனர். இதுகுறித்து வழக்குப் பதிவு செய்து விசாரணை தொடங்கப்பட்டுள்ளதாக போலீசார் தெரிவித்தனர்.