நாடு முழுவதும் கொரோனா பரவல் காரணமாக ஊரடங்கு அமல்படுத்தப்பட்டது. இதனால் மாணவர்களுக்கு ஆன்லைன் வழியாக வகுப்புகள் நடத்தப்பட்டது. இதையடுத்து கொரோனா சற்று குறைந்த நிலையில் 9 முதல் பன்னிரண்டாம் வகுப்பு மாணவர்களுக்கு மட்டும் பெற்றோர்கள் கருத்து கேட்பிற்கு பிறகு பள்ளிகள் திறக்கப்பட்டது. இந்நிலையில் 9 முதல் 11ஆம் வகுப்பு மாணவர்கள் ஆல்பாஸ் என்று தமிழக அரசு மகிழ்ச்சி அறிவிப்பை வெளியிட்டது. ஆனால் பன்னிரண்டாம் வகுப்பு மாணவர்களுக்கு மட்டும் மே மூன்றாம் தேதி தேர்வு நடத்தப்படும் என்று கூறியுள்ளது.
இந்நிலையில் பள்ளிக்கல்வித்துறை செயலாளர் தலைமையில் நடந்த ஆலோசனை கூட்டத்தில் பிளஸ் டூ தேர்வு திட்டமிட்டபடி மே 3ஆம் தேதி நடத்த முடிவு செய்யப்பட்டுள்ளதாக தகவல் வெளியாகியுள்ளது. கொரோனா அதிகரித்து வருவதால் பிளஸ் டூ தேர்வு ஒத்தி வைக்கப்படும் என்று தகவல் வெளியான நிலையில் மே 3ஆம் தேதி திட்டமிட்டபடி நடத்த அதிகாரிகள் முடிவெடுத்துள்ளனர்.