திருவள்ளூரில் விடுதி மாணவி தற்கொலை செய்து கொண்ட பிறகு 16 நாட்கள் கழித்து இன்று பள்ளி திறக்கப்பட்டது.
திருவள்ளுவர் மாவட்டம், கீழச்சேரி அரசு உதவி பெறும் பள்ளியில் கடந்த 25ஆம் தேதி பிளஸ் 2 மாணவி தூக்கிட்டு தற்கொலை செய்து கொண்டார் . இதை தொடர்ந்து அப்பள்ளியின் தலைமை ஆசிரியர், ஆசிரியர், விடுதிக் காப்பாளரிடம் சிபிசிஐடி அதிகாரிகள் முதற்கட்ட விசாரணை நடத்தினர். இதைத் தொடர்ந்து பள்ளிக்கு விடுமுறை விடப்பட்டது. இதையடுத்து நேற்று பள்ளி மீண்டும் திறக்கப்பட்டது.
பள்ளி திறக்கப்பட்ட முதல் நாளில் 859 மாணவிகளில் 612 பேர் மட்டுமே வந்துள்ளனர். அதில் சரளாவுடன் விடுதியில் தங்கி பயின்ற 64 பள்ளி மாணவிகள் நேற்று பள்ளிக்கு வரவில்லை. மேலும் அதில் 23 பேர் தங்களுக்கு மாற்று சான்றிதழ் வேண்டும் என்று கூறியுள்ளனர். பள்ளி திறந்த முதல் நாள் மாணவிகளுக்கு பதட்டத்தை போக்குவதற்காக மனநல ஆலோசனைகளை ஆசிரியர்கள் வழங்கினார்கள்.