தமிழகத்தில் பிளஸ் 2 பொதுத் தேர்வு எழுதும் மாணவர்களுக்கு தேர்வு துறை முக்கிய அறிவிப்பு ஒன்றை வெளியிட்டுள்ளது.
தமிழகத்தில் கொரோனா அச்சுறுத்தல் காரணமாக கடந்த மார்ச் மாதம் பள்ளி மற்றும் கல்லூரிகள் அனைத்தும் மூடப்பட்டன. அதனால் மாணவர்கள் அனைவருக்கும் ஆன்லைன் மூலமாக வகுப்புகள் நடத்தப்பட்டு வந்தன. இதனையடுத்து 10 மற்றும் 12ஆம் வகுப்பு மாணவர்களுக்கு பொதுத்தேர்வு நெருங்கிக் கொண்டிருப்பதால், பெற்றோர்களிடம் கருத்து கேட்கப்பட்டு பள்ளிகள் திறக்கப்பட்டன. தற்போது தமிழகம் முழுவதிலும் 9 முதல் 12 ஆம் வகுப்பு மாணவர்கள் அனைவருக்கும் பள்ளிகள் திறக்கப்பட்டு வகுப்புகள் நடந்து கொண்டிருக்கின்றன. மேலும் பிளஸ் 2 மாணவர்களுக்கு பொதுத் தேர்வு மே 3ஆம் தேதி தொடங்கி 21ஆம் தேதி முடிவடையும் என பள்ளி கல்வித்துறை அறிவித்தது.
இந்நிலையில் பிளஸ் டூ பொதுத்தேர்வு எழுத உள்ள மாணவர்களின் பட்டியலில் தேர்வு துறை இணையத்தில் திங்கட்கிழமை வெளியாகும் என்று தேர்வுத்துறை அறிவித்துள்ளது. மாணவர்களின் பெயர்கள் மற்றும் விவரங்களை சரிபார்க்குமாறு தலைமை ஆசிரியர்களுக்கு உத்தரவிட்டுள்ளது. பிளஸ் 2 தேர்வுகள் மே 3 முதல் 21ஆம் தேதி வரை நடத்தப்பட உள்ளது. மார்ச் 22 முதல் ஏப்ரல் 1 வரை பதிவிறக்கம் செய்ய www.dge.tn.gov.in என்ற இணையதள பக்கத்தை பார்க்கவும்.