பீகாரில் பாஜக கூட்டணி வெற்றி பெற வாக்களித்த பெண்களுக்கு பிரதமர் மோடி தனது நன்றியை தெரிவித்துள்ளார்.
பீகாரில் 243 தொகுதிகளைக் கொண்ட சட்டமன்ற தேர்தல் மூன்று கட்டங்களாக நடந்து முடிந்தது. அந்த தேர்தலில் பதிவான வாக்குகள் எண்ணும் பணி நேற்று நடந்தது. அதில் ஜனநாயக கூட்டணி வெற்றியடைந்துள்ளது. ஒரு கட்சி வெற்றி பெற 122 இடங்கள் தேவை என்ற நிலையில், தேசிய ஜனநாயக கூட்டணி 125 இடங்களையும், மெகா கூட்டணி 110 இடங்களையும் கைப்பற்றியது. லோக் ஜனசக்தி ஒரு இடத்தை பிடித்தது. பிற கட்சிகள் 7 இடங்களில் வென்றுள்ளன. அதன்மூலமாக பீகாரில் மீண்டும் நிதிஷ்குமார் ஆட்சி அமைய உள்ளது.
இந்நிலையில் பிரதமர் நரேந்திர மோடி அம்மாநில வாக்காளர்களுக்கு தனது மனமார்ந்த நன்றியை தெரிவித்துள்ளார். இது பற்றி அவர் வெளியிட்டுள்ள டுவிட்டர் பதிவில், “ஜனநாயகத்தின் முதல் பாடத்தை பீகார் உலகிற்கு கற்றுத் தந்துள்ளது. பாஜக கூட்டணி வெற்றி பெறுவதற்கு வாக்களித்த பெண்கள் அனைவருக்கும் என் நன்றியை தெரிவித்துக் கொள்கிறேன். பீகாரின் வளர்ச்சிக்கு இளைஞர்கள் வழி காட்டியுள்ளனர்” என்று அவர் கூறியுள்ளார்.