ஜார்ஜியாவில் பீஸ்ட் படத்தின் படப்பிடிப்பு நடைபெற்றபோது நடிகர் விஜய் எடுத்துக்கொண்ட புகைப்படம் ஒன்று வெளியாகியுள்ளது .
தமிழ் திரையுலகில் நட்சத்திர நாயகனாக வலம் வரும் விஜய்க்கு ஏராளமான ரசிகர்கள் உள்ளனர் . தற்போது இவர் நடித்து வரும் ‘பீஸ்ட்’ படத்தை இயக்குனர் நெல்சன் திலீப்குமார் இயக்கி வருகிறார். இந்த படத்தில் பூஜா ஹெக்டே கதாநாயகியாக நடிக்கிறார். சன் பிக்சர்ஸ் நிறுவனம் தயாரிக்கும் இந்த படத்திற்கு அனிருத் இசையமைக்கிறார். இன்று பிறந்தநாள் கொண்டாடி வரும் நடிகர் விஜய்க்கு அவரது ரசிகர்கள் மற்றும் திரையுலக பிரபலங்கள் வாழ்த்துக்கள் தெரிவித்து வருகின்றனர்.
மேலும் விஜய்யின் பிறந்தநாள் ஸ்பெஷலாக வெளியான பீஸ்ட் படத்தின் பர்ஸ்ட் லுக் மற்றும் செகண்ட் லுக் போஸ்டர்கள் இணையத்தில் வைரலாகி வருகிறது. சமீபத்தில் இந்த படத்தின் முதல்கட்ட படப்பிடிப்பு ஜார்ஜியாவில் நடைபெற்று முடிந்தது. இந்நிலையில் ஜார்ஜியாவில் நடிகர் விஜய் செம ஸ்டைலாக போஸ் கொடுத்த புகைப்படம் ஒன்று வெளியாகியுள்ளது . தற்போது இந்த புகைப்படம் ரசிகர்களை வெகுவாக கவர்ந்து வருகிறது.