விஜய்யின் தீவிர ரசிகரான ஸ்டாலினின் பேரன் பீஸ்ட் படத்தை முதல் நாள் முதல் காட்சியை தியேட்டரில் பார்த்துள்ளார்.
தமிழ் சினிமா உலகின் உச்ச நட்சத்திரமான விஜய் தற்போது நெல்சன் இயக்கத்தில் பீஸ்ட் படத்தில் நடித்துள்ளார். இத்திரைப்படத்திற்கு கதாநாயகியாக பூஜா ஹெக்டே நடித்துள்ளார். சன் பிக்சர்ஸ் தயாரிக்கும் இப்படத்திற்கு அனிருத் இசையமைத்துள்ளார். இந்தப்படமானது ஏப்ரல் 13ஆம் தேதி ரிலீசானது. தற்போது இந்த திரைப்படம் கலவையான விமர்சனங்களை பெற்று வருகின்றது.
ஆனால் விஜய் ரசிகர்கள் படத்தை கொண்டாடி வருகின்றார்கள். பாக்ஸ் ஆஃபிஸ் அளவில் தமிழகத்தில் மட்டும் முதல் நாள் வசூலாக பீஸ்ட் 38 கோடி வசூல் செய்ததாக கூறப்படுகின்றது. இந்நிலையில் முதல்வர் ஸ்டாலினின் பேரனும் உதயநிதியின் மகனுமான இன்பநிதி பீஸ்ட் படத்தின் முதல் நாள் முதல் காட்சியை நண்பர்களுடன் சென்று பார்த்துள்ளார். இவர் விஜய்யின் தீவிர ரசிகர் என்பதால் முதல் நாள் முதல் காட்சி பார்த்திருக்கின்றார். இந்நிலையில் அந்த வீடியோவானது தற்போது இணையத்தில் வைரலாகி வருகின்றது.