நாகை மாவட்டம் திருவாளப்புத்தூரைச் சேர்ந்த உலகப் புகழ்பெற்ற தவில் இசைக் கலைஞர் டி. ஏ. கலியமூர்த்தி நேற்று மறைந்தார்.
உலகப் புகழ்பெற்ற தவில் இசைக் கலைஞர் டி. ஏ. கலியமூர்த்தி. அவருக்கு வயது 72. மயிலாடுதுறை வட்டம், திருவாளப்புத்தூர் பகுதியில் பட்டமங்கல ஆராயத்தெருவில் உள்ள அவரது இல்லத்தில் நேற்று மாரடைப்பால் உயிரிழந்தார்.
இவர், 1981 ஆம் ஆண்டில் தமிழ்நாடு அரசினால் வழங்கப்படும் கலைமாமணி விருது பெற்றார். மேலும் 1995 ஆம் ஆண்டில் மத்திய அரசின் சங்கீத நாடக அகாதெமி விருதும் , 2008 ஆம் ஆண்டில் வலயப்பட்டி விருது போன்ற பல விருதுகளைப் பெற்றுள்ளார். மயிலாடுதுறையில் அவரது உடலுக்கு தமிழ்நாட்டின் பல்வேறு பகுதிகளில் இருந்து இசை மேதைகள், இசை ரசிகர்கள் ஆகியோர் அஞ்சலி செலுத்தினர்