பல மோசமான நோய்களால் பாதிக்கப்பட்டு இருப்பதால் இரண்டு வருடங்களில் புடின் இறந்து விடுவார் என உக்ரைன் உளவுத்துறை தலைவர் தெரிவித்துள்ளார். ஊடகம் ஒன்றிற்கு பேட்டியளித்த உக்ரைன் உளவுத் துறை தலைவரான மேஜர் ஜெனரல் kyrylo o.Budanov, ரஷ்ய ஜனாதிபதி புடின் நீண்ட நாட்கள் வாழப் போவதில்லை என தெரிவித்துள்ளார். அத்துடன் மனரீதியாகவும், உடல்ரீதியாகவும் மிக மோசமாக பாதிக்கப்பட்டு இருப்பதாகவும் மிக மோசமாக நோய்வாய்ப்பட்டு இருப்பதாகவும் அவர் கூறியுள்ளார்.
ஏற்கனவே ரஷ்ய செல்வந்தர் ஒருவர் புடினுக்கு ரத்த புற்றுநோய் இருப்பதாக கூறியிருந்தார். எப்போது வேண்டுமானாலும் அவர் அறுவை சிகிச்சைக்கு உட்படுத்தப்படலாம் என புடினுக்கு எதிர் கோஷ்டியில் இருந்து சில தகவல்கள் வெளியாகியிருந்தது. மேலும் பார்க்கின்சன் முதலான பிரச்சினைகளாலும் பாதிக்கப்பட்டு இருப்பதாக கூறப்படுகிறது. என்றாலும் அந்த கூற்றுக்கு ஆதாரம் எதுவும் இருப்பதாக தெரியவில்லை.