சிறுமிகள் புத்தாண்டு கொண்டாட சென்ற போது கடுமையாக துன்புறுத்தப்பட்ட சம்பவம் அதிர்ச்சியை ஏற்படுத்தியுள்ளது.
ஆஸ்திரேலியாவில் உள்ள surfers paradise என்ற ரிசார்ட்டில் இருக்கும் கடற்கரைக்கு 15 வயதுடைய சிறுமிகள் மூவர் புத்தாண்டை கொண்டாடுவதற்காக சென்றுள்ளனர். அப்போது இந்த சிறுமிகளுக்கு 22 வயதுடைய மூன்று இளைஞர்கள் அறிமுகமாகியுள்ளனர். இதனையடுத்து சிறிது நேரத்திற்குள் அந்த இளைஞர்கள் சிறுமிகளிடம் நண்பர்களாக பழகியுள்ளனர். இதனைத்தொடர்ந்து அவர்களை நம்பிய சிறுமிகள் மூவரும் அந்த ரிசார்ட் இருக்கும் அறைக்கு அவர்களுடன் புத்தாண்டை கொண்டாட சென்றுள்ளனர்.
அங்கு மதுபானங்களுடன் பார்ட்டி கொண்டாடியுள்ளனர். இந்நிலையில் நீண்ட நேரம் கழித்த பின்பு, திடீரென சிறுமிகளில் ஒருவர் அரைகுறை ஆடைகளுடன் பதற்றம் அடைந்த நிலையில் அறையை விட்டு வெளியேறி ஓடிச்சென்று அங்கிருந்தவர்களிடம் உதவி கேட்டு காவல்துறையினருக்கு தகவல் தெரிவித்துள்ளார். இதனைத் தொடர்ந்து சம்பவ இடத்திற்கு விரைந்து வந்த காவல்துறையினர் சிறுமிகள் இருந்த அறைக்கு சென்று பார்த்துள்ளனர். அங்கு மற்ற இரண்டு சிறுமிகளும் கடுமையான முறையில் தாக்கப்பட்ட நிலையில் கிடந்துள்ளனர்.
இதனைத்தொடர்ந்து, அவர்கள் உடனடியாக மருத்துவமனைக்கு அழைத்துச் செல்லப்பட்டனர். மேலும் அங்கிருந்த 3 இளைஞர்களையும் உடனடியாக காவல்துறையினர் கைது செய்துள்ளனர். மேலும் இவர்களிடம் நடத்தப்பட்ட விசாரணையில், அந்த சிறுமிகள் இருவரையும் இளைஞர்கள் துன்புறுத்தி தவறாக நடந்துகொண்டுள்ளனர். இச்சம்பவம் குறித்து இளைஞர்களின் மீது வழக்குப்பதிவு செய்யப்பட்டு விசாரணை மேற்கொள்ளப்பட்டு வருகிறது.