புதினின் அறிவிப்பு வெளியான சில மணி நேரங்களில் அணுசக்தி துறை தலைவர் மாயமாகியுள்ளார்.
உக்ரைன் நாட்டின் மீது ஏழு மாதங்களுக்கும் மேலாக ரஷ்யா போர் தொடுத்து வருகிறது. இதில் போரில் கைப்பற்றிய உக்ரைனின் பிராந்தியங்களான லூஹான்ஸ், டொனட்ஸ்க், கெர்சன் மற்றும் ஜபோர்ஜியா போன்ற நான்கு பிராந்தியங்களை தன்னுடன் இணைத்துக் கொண்டுள்ளது. இது பற்றிய அதிகாரப்பூர் அறிவிப்பை ரஷ்ய அதிபர் புதன் நேற்று வெளியிட்டுள்ளார். இந்த நிலையில் இந்த நான்கு பிராந்தியங்களையும் ரஷ்ய படைகளிடமிருந்து மீட்க உக்ரைன் ராணுவம் தீவிரமாக போரிட்டு வருகிறது.
இந்த சூழலில் ரஷ்யா தன்னுடன் இணைத்து இருக்கின்ற ஜாவோர்ஜியா பிராந்தியத்தில் ஐரோப்பியாவின் மிகப்பெரிய அணு உலை அமைந்திருக்கிறது. இந்த அணுஉலையின் தலைமை இயக்குனர் இஹோர் முராஷோவ் புதினின் அறிவிப்பு வெளியான சில மணி நேரங்களில் மாயமாகியுள்ளார். மேலும் அவர் ரஷ்ய வீரர்களால் கடத்தப்பட்டதாக உக்ரைன் ராணுவம் குற்றம் சாட்டியிருக்கிறது. இந்த நிலையில் காரில் சென்று கொண்டிருந்த இஷோர் முரோஷாவை ரஷ்ய வீரர்கள் வழிமறித்து அவரது கண்ணை கட்டி கடத்து சென்றதாக உக்ரைன் அதிகாரிகள் கூறியுள்ளனர். எனினும் ரஷ்யா இது பற்றி உடனடியாக எந்த விளக்கமும் அளிக்கவில்லை.