தமிழ் திரையுலகின் பிரபல நடிகரான அஜித்குமார் தனக்கென்று தனி ரசிகர் பட்டாளத்தை வைத்திருப்பவர். இவரின் திரைப்படம் திரையரங்குகளில் வெளியாகிறது என்றாலே அவரது ரசிகர்கள் மிகுந்த மகிழ்ச்சியுடன் வரவேற்பார்கள். இவர் தற்போது எச்.வினோத் இயக்கத்தில் வலிமை எனும் திரைப்படத்தில் நடித்து அத்திரைப்படம் பொங்கலை முன்னிட்டு திரைக்கு வர இருக்கிறது. திரையரங்குகளில் பொதுமக்கள் தடுப்பூசி செலுத்திக் கொண்டால் மட்டுமே அனுமதிக்கப்படும் என்று அரசு உத்தரவிட்டுள்ளது.
இதனால் தடுப்பூசி செலுத்தி கொள்ளாத அஜித் ரசிகர்கள் அனைவரும் தற்போது தடுப்பூசி செலுத்தி கொண்டு வருகின்றனர். இந்நிலையில் வலிமை படக்குழு முதல் நாள் வசூலில் ரெக்கார்ட் பிரேக் செய்ய வேண்டும் என்று திட்டமிட்டுள்ளது. அதாவது வலிமை படம் நள்ளிரவு 1 மணிக்கு முதல் காட்சி வைக்க படக்குழு திட்டமிட்டுள்ளது. இதனால் 8 காட்சிகள் வரை திரையிட முடியும். இதன் மூலம் பாக்ஸ் ஆபிஸில் வசூலைக் குவித்து முதல் நாள் வசூல் சாதனை படைக்கும். இதனால் படக்குழு சிறப்பு காட்சிக்கு அனுமதி பெற தீவிரமாக பணியில் ஈடுபட்டு வருகின்றனர்.