நடிகர் பிரபுதேவா புதிதாக நடிக்கும் படத்தின் படப்பிடிப்பு இன்று பூஜையுடன் தொடங்கப்பட்டுள்ளது .
தமிழ் திரையுலகில் நடன இயக்குனராக அறிமுகமான பிரபுதேவா தற்போது இயக்குனராகவும், தயாரிப்பாளராகவும், நடிகராகவும் வலம் வருகிறார் . கடைசியாக இவர் நடிப்பில் தேவி-2 திரைப்படம் வெளியாகியிருந்தது. மேலும் இவர் நடிப்பில் உருவாகியுள்ள பொன்மாணிக்கவேல், யங் மங் சங், பஹீரா போன்ற திரைப்படங்கள் ரிலீசுக்கு தயாராகி வருகிறது. இந்நிலையில் பிரபுதேவா நடிக்கும் புதிய படம் குறித்த தகவல் வெளியாகியுள்ளது.
சந்தோஷ்.பி.ஜெயக்குமார் இயக்கும் இந்த படத்தில் வரலட்சுமி சரத்குமார், ரைசா வில்சன் ஆகியோர் கதாநாயகிகளாக நடிக்கின்றனர். மினி ஸ்டுடியோஸ் நிறுவனம் தயாரிக்கும் இந்த படத்திற்கு டி.இமான் இசையமைக்கிறார். இந்த படத்தின் படப்பிடிப்பு இன்று பூஜையுடன் தொடங்கப்பட்டுள்ளது. விரைவில் இந்த படத்தின் அப்டேட்டுகள் வெளியாகும் என எதிர்பார்க்கப்படுகிறது.