தமிழகத்தில் பொதுமக்களிடம் நடத்தப்பட்ட கருத்துக்கணிப்பில் வருகின்ற சட்டமன்றத் தேர்தலில் திமுக அதிமுக அதிக இடங்களை வெல்லும் என தெரியவந்துள்ளது.
தமிழகத்தில் ஏப்ரல் 6-ஆம் தேதி சட்டமன்ற தேர்தல் நடைபெற உள்ளது. அதனால் அனைத்து கட்சிகளும் தீவிர தேர்தல் பிரசாரத்தில் ஈடுபட்டு வருவதால் தேர்தல் களம் சூடு பிடிக்க தொடங்கியுள்ளது. ஒவ்வொரு கட்சியினரும் தங்கள் எதிர்கட்சியினரை கடுமையாக விமர்சித்து தேர்தல் பிரசாரம் செய்து வருகிறார்கள். அதிலும் குறிப்பாக அதிமுக மற்றும் திமுக இடையே கடும் மோதல் போக்கு நிலவி வருகிறது. இதற்கு மத்தியில் சட்டமன்ற தேர்தலில் போட்டியிடும் வேட்பாளர்கள் பட்டியலை ஒவ்வொரு கட்சியும் வெளியிட்டு வருகிறது.
அதுமட்டுமன்றி தொகுதி பங்கீடு பற்றியும் பேச்சுவார்த்தை நடத்தப்பட்டு, தங்கள் கூட்டணியில் உள்ள கட்சிகளுக்கு தொகுதிகள் ஒதுக்கீடு செய்யப்பட்டு வருகின்றன. மேலும் தங்கள் ஆட்சி தமிழகத்தில் அமைந்தால் மக்களுக்கு பல்வேறு நலத்திட்டங்களை செய்து தருவதாக ஒவ்வொரு கட்சியும் போட்டியிட்டுக் கொண்டு தேர்தல் அறிக்கையை வெளியிட்டு வருகிறது. அதில் மக்களை கவரும் வகையில் பல்வேறு சிறப்பு அம்சங்கள் இடம் பெற்றுள்ளன. இது ஒரு பக்கம் இருக்க, மறுபக்கம் மக்களைக் கவர அனைத்து கட்சியினரும் மக்களிடம் நேரடி தேர்தல் பிரசாரத்தில் களமிறங்கியுள்ளனர்.
இந்நிலையில் தமிழகத்தில் அதிமுக மற்றும் திமுக இடையே கடுமையான மோதல் போக்கு நிலவி வருகிறது. எந்த கட்சி தேர்தலில் வெற்றி பெறும் என்ற எதிர்பார்ப்பு அதிக அளவு உள்ளது. அதற்காக டெமொக்ரசி மற்றும் உங்கள் குரல் அமைப்புகள் இணைந்து நடத்திய கருத்துக் கணிப்பில் அதிமுக 122 இடங்கள், திமுக 117 இடங்கள் வெல்லும் என்று தெரியவந்துள்ளதாக திமுகவின் ஐடி விங் டுவிட்டரில் செய்தி வெளியிட்டு உள்ளது. இதை அதிமுகவினர் வேகமாக பகிர்ந்து வரும் நிலையில் திமுக கூட்டணி 200+என்ற ஹேஸ்டேக் ட்விட்டரில் ட்ரெண்டிங் ஆகி வருகிறது.