ஒன் ப்ளஸ் நிறுவனம் புதிதாக அறிமுகப்படுத்திய ஒன் பிளஸ் நார்ட் ஸ்மார்ட்போன் இந்தியாவில் இம்மாதம் 21 ஆம் தேதி அறிமுகப்படுத்தப்பட இருப்பதாக அமேசான் இந்திய வலைதளத்தில் வெளியானதோடு அதன் வெளியீட்டு நிகழ்வின் அழைப்பிதழும் வலைதளத்தில் இடம்பெற்றுள்ளது. குவால்காம் ஸ்னாப்டிராகன் 765ஜி பிராசஸருடன் தயாரிக்கப்பட்ட ஒன் பிளஸ் ஸ்மார்ட்போன் விலை 37,500 மிகாமல் நிர்ணயம் செய்யப்படும் என்றும் தெரிய வந்துள்ளது.
இந்த ஸ்மார்ட்போன் இந்தியா மற்றும் ஐரோப்பிய சந்தையில் முதலில் அறிமுகம் செய்ய இருப்பதாகவும் தெரியவந்துள்ளது. இந்த புதிய ஸ்மார்ட்போன் வெளியீடு பற்றிய தகவல் ஒன் பிளஸ் நிறுவனத்தின் சார்பாக இன்று அறிவிக்கப்பட்டுள்ள நிலையில் அமேசான் இந்திய தளத்தில் இரண்டு தினங்களுக்கு முன்பே வெளியானது குறிப்பிடத்தக்கது.