ஐஸ்வர்யா தான் இயக்கியிருக்கும் முசாபிர் ரிலீஸ் தேதி பற்றி இணையத்தில் கூறியுள்ளார்.
தமிழ் சினிமா உலகில் பிரபல இயக்குனராக வலம் வருபவர் ஐஸ்வர்யா. தனுஷ், ஐஸ்வர்யா ஜனவரி மாதம் 17ஆம் தேதி பிரிவதாக அறிவித்தனர். இதன் பின் ஐஸ்வர்யா தனது கெரியரில் கவனம் செலுத்த ஆரம்பித்தார். இவர் முசாபிர் ஆல்பம் பாடலை இயக்கி வந்தார். இடையில் கொரோனா பாதிப்பு ஏற்பட்டதால் மருத்துவமனையில் அனுமதிக்கப்பட்டார். பின் மருத்துவமனையிலிருந்து மீண்டு வந்த ஐஸ்வர்யா வேலைகளில் கவனம் செலுத்த ஆரம்பித்தார்.
மீண்டும் இவருக்கு தலைசுற்றல், வாந்தி ஏற்பட்டதால் மருத்துவமனையில் அனுமதிக்கப்பட்டார். முசாபிர் ரிலீசாக இருந்த நிலையில் இவர் மருத்துவமனையில் அனுமதிக்கப்பட்டதால் ரிலீஸ் தள்ளிப்போனது. அதனால் அன்று டீசர் மட்டும் வெளியிட்டார். இந்நிலையில் முசாபிர் பாடலின் ரிலீஸ் தேதியை நேற்று வெளியிட்டுள்ளார் ஐஸ்வர்யா. இணையத்தில் பதிவிட்டதாவது நாளை முசாபிர் வெளியாக இருப்பதற்கான வேலைகளை செய்து வருவதாக நேற்று கூறியுள்ளார். இதற்கு ரசிகர்கள் தங்களது வாழ்த்துக்களை கூறி வருகின்றனர்.