ஸ்ரீவில்லிபுத்தூர் ஆண்டாள் கோவில் யானையை பாகன்கள் தாக்கியதால் அவர்களை வனத்துறையினர் கைதுசெய்துள்ளனர்.
தேக்கம்பட்டி யானைகள் புத்துணர்வு முகாம் கோயமுத்தூர் மாவட்டம் மேட்டுப்பாளையத்தில் நடந்து வந்தது. அதில் ஸ்ரீவில்லிபுத்தூர் ஆண்டாள் கோவில் யானையை யானைப்பாகன் வினில் குமாரும் அவருடைய உதவியாளர் பிரசாத்யும் இணைந்து தாக்கும் காட்சி இணையத்தில் வெளியாகி உள்ளது. இதனை அறிந்த வனத்துறையினர் இரு பாகங்கள் மீது வனவிலங்கு பாதுகாப்பு சட்டத்தின் கீழ் இருவரையும் கைது செய்தனர்.
இதனை அடுத்து யானையை ஆய்வு செய்ததில் அதன் உடலில் எந்த ஒரு காயமும் தென்படவில்லை. அதனால் யானையை ஆய்வு செய்ய வனத்துறை மருத்துவ குழுவினர் (பிப்22) இன்று ஆய்வு செய்ய உள்ளனர். இதனை தொடர்ந்து ஸ்ரீவில்லிபுத்தூர் கோவில் யானை ஜெயமால்யாவை பராமரிக்க திருச்செந்தூர் கோவில் யானை உதவியாளர் சுப்பிரமணியத்திடம் ஒப்படைத்துள்ளனர். இதனையடுத்து கைது செய்யப்பட்ட இருவரையும் கோவை நீதிமன்றத்தில் நீதிபதி சுப்புலெட்சுமி முன்பு விசாரணை செய்து அவர்கள் இருவரையும் கோபிசெட்டிபாளையத்தில் உள்ள சிறையில் அடைத்தனர்.