புனித பீட்டர்ஸ்பெர்க் டிராபிக்கான டென்னிஸ் தொடரின் மகளிர் ஒற்றையர் பிரிவின் இரண்டாவது சுற்றில் ஸ்வெட்லனாவை வீழ்த்தி பெலிண்டா பென்சிக் காலிறுதிச் சுற்றுக்கு முன்னேறினார்.
மகளிருக்கான புனித பீட்டர்ஸ்பெர்க் டிராபிக்கான டென்னிஸ் தொடர் ரஷ்யாவில் நடைபெற்று வருகிறது. இதன் இரண்டாவது சுற்றில் சுவிஸ் வீராங்கனை பெலிண்டா பென்சிக்கை எதிர்த்து ரஷ்யாவின் ஸ்வெட்லனா ஆடினார்.
இதன் முதல் சுற்றில் இரு வீராங்கனைகளும் சரிக்கு சமமாக ஆடியதால் ஆட்டம் டை – ப்ரேக்கர் வரை சென்றது. டை ப்ரேக்கரை 7-4 என்று பெலிண்டா கைப்பற்றி 7-6 (7-4) என்ற கணக்கில் முதல் செட்டை வசப்படுத்தினார்.
தொடர்ந்து நடந்த இரண்டாவது சுற்று ஆட்டத்தில் அதிரடியாக ஆடிய பெலிண்டா 6-4 எனக் கைப்பற்றி காலிறுதிச் சுற்றுக்கு எளிதாகத் தகுதிபெற்றார். இந்த ஆட்டம் ஒரு மணி நேரம் 45 நிமிடங்கள் வரை நீடித்தது.