புரட்டாசி மாதத்தை முன்னிட்டு தமிழகம் முழுவதும் உள்ள வைணவ கோயில்களுக்கு ஆன்மிக சுற்றுலா ஏற்பாடு செய்யப்பட்டுள்ளதாக அமைச்சர் சேகர் பாபு தெரிவித்துள்ளார். இது தொடர்பாக பேசிய அவர், சென்னை, திருச்சி, மதுரை, தஞ்சை மாவட்டங்களை தலைமை இடமாக கொண்டு வைணவ கோயில்களுக்கு சுற்றுலா செல்ல திட்டமிடப்பட்டுள்ளது. சென்னையில் திருவல்லிக்கேணி பார்த்தசாரதி கோயில், மாமல்லபுரம் தல சமயபுரம் கோயில், சிங்கப்பெருமாள் கோயில் உள்ளிட்ட கோயில்ளுக்கு பயண திட்டம் வகுக்கப்பட்டுள்ளது. மேலும் இதுபோன்ற பல கோயில்களுக்கும் பல பயணத்திட்டம் செயல்படுத்தப்பட உள்ளது.
மிக குறைந்த கட்டணத்தில் பக்தர்களுக்கு மதிய உணவோடு செயல்படுத்தப்பட உள்ளது. மேலும் பக்தர்களுக்கு கட்டணம் இல்லாத சிறப்புச் தரிசனம் செய்து வைக்கப்பட்டு கோயில் பிரசாதம், கோயில்கள் பற்றிய விவரங்கள் அடங்கிய கையேடு ஆகியவை வழங்கப்படும். இதில் பங்கேற்க விரும்புவோர் www.ttdconline.com என்ற ணையதளத்தில் பதிவு செய்யவும். மேலும், விவரங்களுக்கு 044-25333333, 25333444 ஆகிய எண்களில் தொடர்பு கொள்ளலாம்.