கிறிஸ்தவ ஆலயத்தில் ஏற்பட்ட கூட்ட நெரிசலில் சிக்கி 31 பேர் உயிரிழந்துள்ளனர்.
நைஜீரியா நாட்டின் தென்கிழக்கில் போர்ட் ஹர்கோர்ட் என்ற இடம் அமைந்துள்ளது. இந்த இடத்தில் கிங்ஸ் அசெம்பிளி என்ற கிறிஸ்தவ ஆலயம் ஒன்று உள்ளது. இந்த ஆலயத்தில் நடந்த நிகழ்ச்சி ஒன்றில் நூற்றுக்கணக்கானோர் கலந்து கொண்டனர். இதனைத் தொடர்ந்து ஆலயத்தில் உணவு வழங்குகிறார்கள் என்ற புரளியால் சிறிய வாசல் வழியே அனைவரும் முண்டியடித்து கொண்டு சென்றுள்ளனர். இதனால் கூட்ட நெரிசல் ஏற்பட்டு பலர் சிக்கி கொண்டனர்.
இது தொடர்பாக பெண் போலீசார் ஒருவர் செய்தி தொடர்பாளர் கூறியதாவது “கூட்ட நெரிசல் ஏற்படும்போது, உணவு வழங்கும் திட்டம் தொடங்க கூட இல்லை. அங்கு கதவு மூடப்பட்டு இருந்த போதிலும், நிகழ்ச்சி நடந்த பகுதியில் பல்லாயிரக்கணக்கானோர் கட்டுக்கடங்காமல் புகுந்துள்ளனர். இந்த நெரிசலில் சிக்கி 31 பேர் உயிரிழந்துள்ளனர். மேலும் 7 பேர் படுகாயமடைந்தனர். அவர்கள் மீட்கப்பட்டு மருத்துவமனையில் சேர்க்கப்பட்டுள்ளனர்” என அவர் கூறியுள்ளார்.