நடிகை பிரியாமணி, புஷ்பா படத்தில் சமந்தா நடனமாடியதை பாராட்டியுள்ளார் .
நடிகை பிரியாமணி சென்ற 2007ஆம் ஆண்டு வெளிவந்த “பருத்திவீரன்” படத்தின் மூலம் அறிமுகமாகி சிறந்த கதாநாயகிக்கான தேசிய விருதை பெற்றிருந்தார். இவர் தமிழ், தெலுங்கு, ஹிந்தி உள்ளிட்ட மொழிகளில் பிரபலமான நடிகையாக உள்ளார். அண்மையில் வெளிவந்த “தே ஃபேமிலி மேன்” 2வில் இவரின் நடிப்பு பெரிய அளவில் பேசப்பட்டது. சமீபத்தில் இவர் அளித்துள்ள பேட்டியில் “புஷ்பா” படத்தில் சமந்தா ஆடிய நடனம் குறித்து கூறியுள்ளார்.
அவர் கூறியுள்ளதாவது, “தமிழ் சினிமாவில் நடிகைகளுக்கு முக்கியத்துவம் வாய்ந்த படங்கள் சமீப காலமாக வெளிவருகின்றன. நயன்தாரா, சமந்தா போன்ற நடிகைகள் அனைத்துப் படங்களையும் தங்களின் தோள்களில் சுமந்து வருகிறார்கள். நயன்தாரா அவர்கள் நெற்றிக்கண் உள்ளிட்ட சிறந்த படங்களை தேர்ந்தெடுத்து நடித்து வருகிறார். தமிழ் சினிமாவில் தற்பொழுது நடிகைகளுக்கு முக்கியத்துவம் கொடுக்கப்படுகிறது. தற்போது வெளிவந்த புஷ்பா திரைப்படத்தில் நடிகை சமந்தா நடனமாடியது அவரின் தைரியமாகும். அதில் அவர் நன்றாக நடனம் ஆடியுள்ளார்” என கூறியுள்ளார்.