பூமி சூரியனை சுற்றுவது போல நிலா பூமியை சுற்றி வருகிறது என்பது நம் அனைவருக்கும் தெரிந்த விஷயம் தான் ஆனால் பலருக்கும் தெரியாத விஷயம் என்னவென்றால் நிலா கொஞ்சம் கொஞ்சமாக பூமியை விட்டு விலகி சென்று கொண்டிருக்கிறது. இதனால் பூமிக்கும் நிலவுக்கும் இடையேயான தூரம் படிப்படியாக அதிகரித்துக் கொண்டே வருகிறது.
பூமியிலிருந்து நிலவு ஒவ்வொரு வருடமும் 3.8 சென்டிமீட்டர் விலகி செல்வதாகவும் இந்த நிகழ்வு பல பில்லியன் வருடங்களாக நடைபெற்று வருவதாகவும் விஞ்ஞானிகள் கண்டறிந்து இருக்கின்றனர். பூமிக்கும் நிலவுக்கும் இடையேயான தூரம் மாறுபடுவதால் பருவ நிலையில் மாற்றங்கள் ஏற்பட வாய்ப்பு இருப்பதாக விஞ்ஞானிகள் கூறியுள்ளனர். நிலா தோன்றியபோது பூமிக்கு மிக அருகில் இருந்ததாகவும் அதாவது அப்போது வெறும் 14 ஆயிரம் மைல் தொலைவில் தற்போது பூமிக்கும் நிலவுக்கும் உள்ள தொலைவு 2 லட்சத்து 50 ஆயிரம் மைல் இருப்பதாக கூறப்படுகிறது.