பூஸ்டர் சோதனை வெற்றிகரமாக நடைபெற்றுள்ளதாக தகவல்கள் வெளியாகியுள்ளது.
ஹைதராபாத்தில் இம்ராத் ஆராய்ச்சி மையம் அமைந்துள்ளது. இந்த ஆராய்ச்சி மையமும் புனேவில் இருக்கும் அதிசக்தி டிஆர்டிஓ இணைந்து பூஸ்டரை உருவாக்கியுள்ளது. அதாவது ஏவுகணைகளில் பயன்படுத்தக்கூடிய திட எரிபொருள் குழாயுடன் கூடிய ராம்ஜெட் பூஸ்டரை ஹைதராபாத் ஆராய்ச்சி மையம் மற்றும் மேம்பாட்டு ஆய்வகம் இணைந்து உருவாக்கியுள்ளது.
இந்த பூஸ்டர் ஏவுகணைகளை சூப்பர் சானிக் வேகத்தில் செலுத்தவும், வான்வெளியில் உண்டாகும் ஆபத்துகளை தகர்க்கவும் பயன்படும். இந்நிலையில் ஒடிசா மாநிலத்தில் உள்ள சந்திப்பூரில் ஒருங்கிணைந்த சேவை மையம் அமைந்துள்ளது. இங்கு பூஸ்டர் சோதனை நடைபெற்றது. இந்த சோதனை வெற்றிகரமாக நடந்ததாக டிஆர்டிஓ தெரிவித்துள்ளது. இந்த சோதனை வெற்றி அடைந்ததால் டிஆர்டிஓ க்கு ராணுவ மந்திரி ராஜ்நாத் சிங் வாழ்த்துக்களை தெரிவித்துள்ளார்.