பெட்ரோலில் 10 விழுக்காடு எத்தனால் கலந்த விற்கப்படுவதாக தமிழ்நாடு பெட்ரோலிய விற்பனையாளர்கள் சங்கம் அறிவித்துள்ளது.
தமிழ்நாடு பெட்ரோலிய விற்பனையாளர்கள் சங்கம் வெளியிட்டுள்ள அறிக்கையில், மத்திய அரசின் ஆணையின்படி எண்ணெய் நிறுவனங்கள் பெட்ரோலில் 10 விழுக்காடு எத்தனாலை கலந்து வருவதாகவும், பெட்ரோலில் எத்தனால் கலந்து உள்ளதால் வாகனங்களை கழுவும் போதும், மழை பெய்யும் போதும் பெட்ரோல் டேங்கில் நீர் கசியாமல் பார்த்துக் கொள்ள வேண்டும் என்றும் தெரிவிக்கப்பட்டுள்ளது.
பெட்ரோல் டேங்கில் தண்ணீர் கசிந்தால் ஏற்படும் விளைவுகளுக்கு வாடிக்கையாளர்களே பொறுப்பு என்றும், எத்தனால் உள்ள பெட்ரோலில் தண்ணீர் கசிந்தால் வாகனத்தை இயக்குவது
கடினமாகும் என்றும் அறிக்கையில் குறிப்பிடப்பட்டுள்ளது. தமிழ்நாடு பெட்ரோலிய விற்பனையாளர் சங்கமே பெட்ரோலில் எத்தனால் கலந்துள்ளது என்று சொல்லியுள்ளது குறிப்பிடத்தக்கது.