பெண்களுக்கு தொழில் முனைவோர் பயிற்சி முகாம் கீழ் கோத்தகிரியில் நடைபெற்றது.
நீலகிரி மாவட்டத்திலுள்ள கீழ் கோத்தகிரி அரசு மேல்நிலைப் பள்ளியில் ஒருங்கிணைந்த நீலகிரி பாதுகாப்பு சங்கம் சார்பாக மகளிர் சுய உதவி குழுக்களுக்கு தொழில் முனைவோர் பயிற்சி முகாம் நடந்தது. இந்த முகாமை கள இயக்குனர் சிங்கராஜ் தொடங்கி வைக்க வாழ்வாதார திட்ட ஒருங்கிணைப்பாளர்கள் மகளிர் சுய உதவிக் குழுக்களின் முக்கியத்துவம், வங்கி கடன்கள், பெண்கள் தொழில் செய்வதன் முக்கியத்துவம் என அரசு மானியங்கள் குறித்து பேசினார்கள்.
மேலும் இதன் மூலமாக அதிகம் எவ்வளவு கடன் தொகை பெறலாம், அதன் சதவீதம் குறித்து கூறப்பட்டது. மேலும் இந்த முகாமில் தேசிய மயமாக்கப்பட்ட வங்கியின் தொழில் பயிற்சி இயக்குனர், அலுவலர்கள் என பலர் கலந்து கொண்டார்கள்.