பெண்ணை காதலிப்பதாக கூறி கொலை மிரட்டல் விடுத்த 4 பேர் மீது வழக்குப்பதிவு செய்யப்பட்டுள்ளது.
கள்ளக்குறிச்சி மாவட்டத்தில் உள்ள தியாகதுருகம் அருகே ரவி – உமா தம்பதியினர் வசித்து வருகின்றனர். இவர்களுக்கு உமா என்ற மகள் இருக்கிறார். இந்த பகுதியில் வசிக்கும் செல்வராஜ் காதலிப்பதாக கூறி உமாவுக்கு அடிக்கடி தொல்லை கொடுத்து வந்துள்ளார். இந்நிலையில் உமாவை ஆத்தூர் பகுதியை சேர்ந்த சிலர் பெண் பார்ப்பதற்காக சென்றுள்ளனர். இதையறிந்து கொண்ட செல்வராஜ் நண்பர்களுடன் உமாவின் வீட்டிற்குள் அத்துமீறி நுழைந்துள்ளார்.
இதனையடுத்து செல்வராஜ் உமாவின் பெற்றோர்களிடம் உங்கள் பெண்ணை எனக்கு திருமணம் செய்து தாருங்கள் என கூறியுள்ளார். இதற்கு உமாவின் பெற்றோர் மறுப்பு தெரிவித்ததால் செல்வராஜ் அவர்களை கொடூரமான முறையில் தாக்கி கொலை மிரட்டல் விடுத்துள்ளார். இதுகுறித்து உமா தியாகதுருகம் காவல்நிலையத்தில் புகார் அளித்துள்ளார். அந்தப் புகாரின்படி காவல்துறையினர் செல்வராஜ், அய்யனார், சிவா, ஜெயபால் ஆகிய 4 பேர் மீது வழக்குப்பதிவு செய்து விசாரணை மேற்கொண்டு வருகின்றனர்.