பெண்ணை தாக்கிய குற்றத்திற்காக காய்கறி வியாபாரியை காவல்துறையினர் கைது செய்துள்ளனர்.
கிருஷ்ணகிரி மாவட்டத்தில் உள்ள சாணிப்பட்டியில் காய்கறி வியாபாரியான சத்யராஜ் என்பவர் வசித்து வருகிறார். இவருக்கும் அதே பகுதியில் வசிக்கும் சுஜாதா என்பவருக்கும் இடையே நிலப் பிரச்சனை காரணமாக ஏற்கனவே முன்விரோதம் இருந்துள்ளது. இந்நிலையில் இருவருக்கும் இடையே மீண்டும் தகராறு ஏற்பட்ட போது சத்யராஜ் சுஜாதாவை தாக்கியுள்ளார்.
இதனால் காயமடைந்த சுஜாதா தற்போது மருத்துவமனையில் சிகிச்சைக்காக அனுமதிக்கப்பட்டுள்ளார். இதுகுறித்து சுஜாதா அளித்த புகாரின் பேரில் வழக்குப்பதிவு செய்த காவல்துறையினர் சத்யராஜை கைது செய்து விசாரணை மேற்கொண்டு வருகின்றனர்.